تبي تضحك بجد ... تفضل وإقرأ هالقصه . . .

اقول والله اني منتحر منتحر والله لا يعوق بشر بس انتم وخروا من تحت كود اطب على واحد منكم ثمن يموت وتتهموني بقتله تراي مافيني حيل للسجون والمرمطه وانا انسان محترم ماعمري دخلت اقسام شرطة ولا طلعت جمس الهيئه .. وش تبي الناس يقولوا عني هاه ؟

وبعدين لو هونت وغيرت رايي اكيد الناس المتجمهرين بيقولوا ذا بزر وماعنده سالفه<< خذ تفكير عيال صبيا

قلت اشهد ألا اله إلا الله واشهد ان محمد رسول الله
واصارخ على المتجمهرين الملتقى الجنه الملتقى الجنه << وين يبو الشباب طاب على الفلوجه

وصلت لدور الثالث ثم الثاني ثم الأول ما بقى بيني وبين الأرض غير 10 متر واناظر بالأرض إلا وانا محظر في كبوت مرسيدس واهشم الكبوت تقل صادم له في حاشيوتنفجر كفرات السياره ويتكسر القزاز ويموت صاحب السياره

ويغمى علي خمس دقايق ثم يرفعوني المتجمهرين

ويسدحوني على سرير الاسعاف ثم يركبوا لي الاكسجين
وشوي فتحت نص عين والناس تنادي الله واكبر الله واكبر

وافتح عيني الثنتين واناظر في الإسعاف من جوّه ..واتمتم بصوت واطي لا عدمتك يابووي حطيتني في قبر مكيّف ايه هلحين الواحد يرتاح من العذاب اللي عايش فيه

.. إلا وسواق الاسعاف يمسك بيدي ويقلي الحمدلله على السلامه .. الله لا يسلمك وش فيك يااخي لايكون بعدني حي والطم نفسي كف حسيت بألم يلعن ام القهر ما مت وافك الاكسجين من فمي وامشي لوايت الدفاع المدني وانسدح تحت الكفر واقول للعسكري انتسان فيك خير انت وابوك ادعسني يا حيوان اصلا انت وابوك واللي ربوك كل ابوهم ما يسوون نعالي . ياكلب يا خسيس .. ادعس يا جبان ادعس:<< الطمه كف احسن؟

والسواق رافض .. قلت انا اوريكم يا عيال اللذينا ...
واطلع الوايت وافك غطا الخزان واطب بداخله ويصفق راسي بقاع الخزان اثره فاضي مابه مويه .. يلعن اشكالكم افرضوا اني يوم طبيت من الدور التاسع وصفقت بالسكه وطلعت ( شراره) ثم احترق الشارع باللهي شلون تطفوا الحريقه؟ والله لشتكي لــ نايف بن عبدالعزيز << انحاشوا جاب العيد

واروح البيت مطئطئ الراس افكر بهذا الموت اللي لم يأتني
واقعد افكر وافكر ( يبي يقنعكم ان معه مخ )وافكر وافكر وشلون اموت ؟

واقعد افكر وافكر وافكر << خلاص يبن الحلال اقتنعوا ان معك مخ وجالس تفكر

وافكر وافكر .. هاه اقتنعتوا ولا بعد افكر؟:Swaffff:

و انسدح على سرير غرفتي وانظر في محل المروحه المخلوعه ثم امسك القلم والورقه وكتبت ما يلي

مدير شركتنا ............................. الله لا يحفظك

طيرت من يديني حصه

واما بعد

شوف يبو الشباب لا تحسب نفسك خلاص مدير يعني بخاف منك وما راح اقدم على زيادة راتب وقسم بالله لو ما قبلت معروضي لا اتوطى في بطنك وفي بطن امن جابتك انت سامع ولا لا؟

مديري الخسيس ترى تعبت وانا كل يوم اداوم 12 ساعه وياليتني قاعد على كرسي إلا كارفني بذي البوابه نزل عامود وارفع عامود نزل عامود و ارفع عامود ويا كثر السيارات اللي رايحه جايه وانا رافع نازل .. نازل رافع حتى شف يديني متمغطه تسنها كراعين حاشي .. بللاه هذي يدين انسان؟ حتى اجازتي يوم السبت!! قلّي من ذا الثور اللي يسهر يوم الجمعه صباح السبت ياخي انا بسببك ما صرت اسهر مع اخوياي ،،،وفقدت علاقتي مع ناس كثيرين لأن ماعندي اجازه يوم الخميس .. تصدق حتى ملاطيم ابوي ولهت عليها لأني ما صرت اشوفه مثل اول ... حتى ان ودي اقابله ويلفعني بذاك الكف اللي يهد ضروسي يااخي حتى خدي صار يحكني له مده ما ذاق الكفوف شوف يبو الشباب وقسم بالله لو ما قبلت معروضي لقعد لك برى الشركه وابن امك تطلع لحالك وربي ياشيخ لدعسك ،،، مديري اللي مهوب فاضل ولا راح يكون فاضل إلا اذا زوّد راتبي خذ آله حاسبه واحسب معي الراتب
اقول خذ آله حاسبه لا تجلس تقرى الله يلعن امك



1500 ريال نقص منها 150 ريال قيمة التتن هذا اذا افترضنا ان كل يوم بكت 1000 ريال للشايب 200 للوالده يبقى 150ريال قيمة صحن مندي في اول يوم استلم الراتب بللاه انت ماعندك رحمه؟

شلون ابتزوج حصه وادفع لابوها المهر ووشلون استاجر بيت واثثه ؟ يااخي اعتبرني ولدك ( آآه ياليتني ولدك يمديني هلحين اطقع دراهم يااخي انت ليه ماتتزوج امي قبل ما ياخذها ابوي ؟؟) وللمره الثانيه اكتشف ان مافيك خير .. ياخي شف حل لمشكلتي تراي منيب اتشحدك... يا انت رجالن تزود راتبي يا رجالن قل ماتبي تزوده علشان احوسك بذا المكتب همن اتوطى في بطنك قدام الموظفين ولا تجلس تقلي انت غياباتك كثيره وتتأخر عن الدوام،،، انت منتب افضل مني،،، تتاخر وتغيب وكلنا عيال تسعة اشهر ،،،

وما حلفتني يمين اني بغيت انتحر بسبب هذا الاجحاف والظلم اللي يجي منك،،،، يا مديري اللي مهوب فاضل اقرى معروضي ذا بضمير الإنسانيه وعيون الرحمه والشفقه وشف حالة ذا البغل اللي واقف قدامك ناظر وجهه الطويل بالأمانه ما يستاهل الشفقه ؟ يااخي انت دراهمك كثيره بللاه وش بتخسر لو زودت الراتب ؟!

شوف يبو الشباب ترى اخلاقي قااااااااافله وانت ماتعرف العبند لا عصبوا يمين الله لو عفست ذي الورقه ونطلتها بالقمامه لأعفس وجهك واعطيك بالجزمه... انت فاهم ولا لا؟ بالأمانه يرضيك شايب مخرف مثل ابو حصه يستهزء فيني قدام الشياب !! ويقلي وخر وخر لا تجلس جنبي عشاني موظف بشركه ؟ ترى انا ماابي اكثر كلام لا تقبل هذا المعروض وشف وش يجيك ،،
واذا في امك خير ( اندرلي برى )


وفي الختام

احلق شنبي لو زودت راتبي

مقدمة المنتحر سابقاً / زعيم التنسيم

وعقب ما خلصت من كتابة المعروض طبقت الورقه واحطها بجيب البدله وانام ولا علي بالخير واصحى الصبح بدرري والبس بدلة العمل واشد الكندره وادرعم للشركه واستقعد للمدير عند البوابه الين جا وانا منزل العامود .. قالي ارفع .. منيب رافع .. ارفع .. اقول منيب رافع .. طيب ليه وش بلاك ماترفع العامود .. قلت ابد مسوي اضراب::mat: .. هين انا اتفاهم معك وينزل من سيارته ويرفع العمود ثم يلبق سيارته في المواقف ويدخل الشركه ويفتح باب مكتبه ( وانا وراه من غير مايدري) دف باب المكتب وهو خاش ثم ينصك على خشمي ... جلس على الكرسي وانا محظر قدام المكتب وناطل عليه المعروض .. تمتم في وجهي يالله صباح خير
ويقرى المعروض وعيونه مفنجله::blink: ... شفت على المكتب دباسه و سكين اللي تقطع الاوراق كلهن جنب يده انتظر بس متى يهفني بوحدتن منها وكل شوي احرك راسي مره يمين ومره يسار علشان اموّه اذا صفقني بها .. مد يده على المناديل .. حطيت يدي على قلبي قلت الله يستر الظاهر بيجلدني ذا المدير الخكري و مسح دموعه ثم مسك القلم وجالس يشرح على معروضي بس منيب شايف وش قاعد يكتب واخذت الورقه من يده واقرى ( زودوا راتب ذا المسكين ووصلوه 5000 ريال مع تحمل الشركه كافة مصاريف زواجه )

من الفرحه جتني سكته قلبيه وانكب على مكتب المدير ميت

ويتصلوا على الشرشوره ( اللي تحمل الموتا ) ثم ينطلقوا بي للمستشفى ويتصلوا على الوالد ويجي المستشفى عقب ما سوو لي تشريح علشان يعرفوا مسببات الوفاة ويرفع الشرشف من وجهي وانا ميت حتى بالأماريه لساني يدودل من فمي

وياخذني ابوي واخوي لمغسلة الموتى علشان يغسلوني فصخوا الفانيله وانا لساني مدقر في الطاوله اللي منسدح عليها .. اخوي سحب شوي من سروالي ونص لساني خش بداخل فمي... وابوي يبكي رحمة الله عليك يا وليدي والله يا كنت ابنن بار مهب مثل ذا الثور اللي عندي<< يقصد اخوي وكنت رجالن سنافي ( وين ذا الحتسي اللي ما سمعته وانا حي؟ )واخوي سعابيله تقوطر على رجليني وهو يسلم عليها (ماحسيت بحنان الأبوّه والأخوّه لين مت يا زين الموت بس )



اخوي يكلم الشايب .. وهو يبكي .. لا تدف اخوي حراام عليك حتى وهو ميت ودك تطقه؟
ابوي وهو يبكي والله ما دفيته ( ذا ابنن بار ) بس شف شف لسانه كل شوي يدخله بفمه؟

اخوي ايه ايه مثل ما تعرف يا بوي الميت تراه يصغر يصغر لين اخر شي يبقى فيه العصعص << توه ملتزم ومربي لحيته وسوى مفتي لبوي


المهم لبسوني الكفن ويحملوني للمقبره ويسدحوني قدام القبر ويجي الإمام يبي يصلي علي ويا دوب كبّر وانا اللي اقوم ما فيني شي: .. الإمام فق خشته بكل فهاوه يـُمه جني جنيوينحاااش ما تشوف غير غباره تعج وراه حتى من الخوف ما انحاش مع الباب إلا طب من فوق سور المقبره ..وافصخ الكفن واناظر جسمي العريان واثار المشرط لاعبتن في حسبتي لعب طالعن تسني شيش كباب

و ويجي واحدن من المطاوعه يا سبحان الله هل بعثت بعد ان كنت ميت و اروح لبوي بسأله وش السالفه وأزهمه يبه يبه بس وييييين مصنمين هو واخوي مو مصدقين اللي يشوفونه !!

واقلهم بدال ما تناظروني عطوني شي البسه واستر عورتي ما كملت كلامي إلا والاثنين راحوا ملح
ونص اللي بالمقبره انحاشوا والنص الثاني مات من لحسة المخ... وش اللي ميت ومكفن وقدام القبر ونصلي عليه ثمن فجأه يقوم ولا كأنه مات

وارفع يدين اخوي قوم قوم يبن الحلال وش فيك وهو معطيني اشكل ما يرد واحط اذني على قلبه إلا والرجل صدز راح ملح،، توفى الله يرحمه وأدهر للبيت عقب ما قلت للحارس صل عليهم وادفنهم واروح لأمي اعدي اعدي يمه يمه انا حي انا حي ناظرت فيني بفغران وتفطس علي .. يلعن ام القهر وش بلاهم ذولي كل ابوهم ماتوا؟

وادرعم لعمي ابو حصه ابي ابشره ان راتبي صار خمسة الاف ريال واول ما شافني شهق ثم مات قلت اشوى ما نشدني عن المهرعساني عقب موتته اتزوج حصه بلوشي مير خني اشوفها كود الله يهديها ونروح للمملك وأول ما شافتني لحقت ابوها وماتت :ورحت ابلغ على نفسي بالشرطه وكل ابوهم ماتوا رحت الهيئه وماتوا رحت رحت عند جدتي وماتت اشوى مابغت تموت واروح لجدي ومات واروح لمديري بالعمل ومات

امااا اللي كلهم ماتوا اكيد فيني شي انا مدري عنه واروح لبيتنا وادخل غرفتي واناظر بالمرايه واول ماشفتني تعلقت بالمروحة من الخوف ...وش فيني صرت هيكل عظمي



اناظر بطني مهنا كرشه... ولا معده... ولا قيلون... ولا امعاء دقيقه... ولا غليضه ...... وين راحت ذي كلها؟؟ ما مدى الدود ياكلني .. يا حسافه عقب ما كنت مربرب صرت هيكل عظمي وش ذا الحظ الأقشر

.. جلست في غرفتي حزين مكسور الضلع (وش تبوني اقلكم مكسور القلب ؟ وانا هيكل عظمي!! :Swaffff: ) حاولت اتعايش مع وضعي الجديد وقعدت قدام المرايه واتفرج فيني وبيدي صوره قديمه لي
واطلع الفروقات الخمس ..

بس وييين فرق كبير تسني جايب صورة جورج قرنق جنب صورة نانسي .. اول وش زيني نص شنب تسني هتلر وعيوني اللي يشوفها ما يدري انا مغمض ولا مفتح لو اعطس تناقزت .. والحين يوم اقعد ولا اقوم ولا امشي اسمع حكحكة عظامي وهي تدقر ببعض تسني ماسكن منشار وانشر خشبه .

قلت يا ولد مالك إلا مسشتفى الحرس الوطني يسوون لك زراعة شحم وكبد وقيلون ومؤخره ومقدمه وفخوذ وركب ورجلين .. يووه يبي لي انسان ثاني ..دخلت عند الدكتور من الفجعه خش تحت السرير .. ويسألني وهو يبكي ومرتبك ومحتاس .. يالهووووي عاوز ايه عاوز ده ...عااااوز ايه اطلع برى اطلع براااااااااااا

واجلس على الطاوله واقله ( هويلي ذرائه انثان هاني ) << هماي اقلكم هيكل عظمي يعني بدون لسان و كلامي ما ينفهم



قال : ازاي اعملك زراعة انسان تاني دنتا مقنووون

يا دكتور يا دكتور ترى المسأله سهله مهيب صعبه شف لك أي واحد ميت له ساعتين وسوي له تجويف وطلع كل ابوو عظامه ولبسني جـِلده :.. شفت شلون المسأله مهيب صعبه يا دكتور !!

الدكتور : لا لا انتا واحد مقنوون

ويتصل على السكيورتي .. ويجي فصيعان نافخ صدره بس يخش مع الباب ويناظر فيني تسنه شايف جني ويصااارخ ام العفاااريت ذيّااا جـُني جـُني: ما أشاا ببرقه وينحاااش

هين والله لوريك يالجيزاني اجل تبي تطلعني من المستشفى .. وأركض وراه وصوت رجليني في البلاط طربق طربق .. والمرضى يصاروخون وااااااااااااااااا وااااااااااااااااااااااا هيكل عضمييييييييييييي واناظر مع القزاز وانا اعدي ورى السكيورتي المرضى يتناقزوا من الادوار اللي فوق تلقى الواحد يصفق بالسكه ويقوم مافيه شي

عاد يوم قربت من السكيورتي ومديت يدي ابسحب فانيلته واخمه والعن والدي والديه
تزحلقن رجلي في ماء مسكوب بالبلاط وتعال شف عظامي متناثره في ممر المستشفى ويديني صارت مسوية علامة اكس تحت جمجمتي وانا فاقن الخشه



ورجلي راحت مواقف السيارات ( لاني كنت مسرع وانا اركض )ويجون الدخاتره ويجمعوني في كيس زباله ثمن يعيدوا ترميمي ويحطوني مجسم في عيادة دكتور العظام


صحيح لا طاح الجمل كثرت سكاكينه



ما يستفاد من ذي الخمبقه


بعض الشباب هداهم الله من اصغر المشاكل وابسطها يفكروا بالإنتحار تسن ماهنا حساب بالقبر ويوم القيامه!! وبعد المفروض من كبار السن يشجعون الابناء على الانخراط في القطاع الأهلي حتى ولو كانت المغريات بالنسبه للحكوميه لا تذكر و مع مرور الوقت سيكوّن هذا الشاب المتوظف بالقطاع الأهلي مستقبل وآفاق واسعه لا حدود لها سواء بالتجاره او بغيرها من المجالات بعكس الحكومي وخاصه ( العسكري ) لأن حياته العمليه ستبقى محصوره في مجال عمله ولا يستطيع حتى ان يفتح سجل تجاري او امتلاك سيارة لومزين <-- يا شين اللي بيقنعكم ان موضوعه ذو فائده <--- صح يا ( ذو ) طراه ذو الاحتياجات الخاصه ماخذين كاس العالم الف مبروك


آسف على الاطاله


هاااااااااااااهـ وش رايكم بالقصه
>> فاطسه ضحك

وعلى فكرهـ عندي معلومه بسيطه

ترى أنا ماقريت القصه كامله
ولو يموت اخونا زعيم التنسيم
ماراح اقراها

يللا انحشششششششش
خخخخخخخخخخخخخخ